Axi Olanok kaleko zenbakietan oinarritutako erakusketa ikusgai Elgetako Espaloia Kafe Antzokian

Axi Olano argazkilariaren erakusketa ikusgai dago gaurtik Elgetako Espaloia Kafe Antzokian. Beasainen jaiotako argazkilariak kaleko zenbakien irudiak hartu ditu (etxeetako portaletakoak, estoldetakoak...) eta haien esanahiari erreparatu dio. Gasteizko kaleetan harturiko zenbaki hauek, esanahi estetikoaz gain, bizi propioa dute, hiri baten eta bere bizilagunen bizimodua nolakoa den erakusten dute. Badira gainetik margotuta ere berriro azalera ateratzen diren zenbakiak, badira ia estalita, agonian dauden zenbakiak: eskizofrenia, metamorfosia, inperfekzioa.

Informazio gehiago: Espaloian edo Nontzeberrin

begizta.net: a ze argazkiak!

Patxi Gaztelumendiren blogaren bitartez heldu gara begizta.net atarira. A ze sorpresa! Barakaldo, Bilbo, Gasteiz eta beste hainbat leku ezaguni egindako erretratuak sareratu ditu Axier Lopez gazteak, baita Irlanda, Portugal edo Venezuela bezalako herrialdeetakoak ere, eta nola gainera!

Lehen momentutik inpaktua sortzen duten irudiak bildu ditu ?makarralde?-ko gazteak. Koloretsuak, deigarriak. Gainera, argazki bakoitzarekin argibide teknikoak azaldu ditu Lopezek blog honetan (erabilitako kamera, irekidura, abiadura...) baita irudian azaltzen duenaren iruzkin labur bat ere.


Azpimarratzekoa iruditu zaigu Irlandako argazkietan lortutakoa: sarritan ilun eta euritsua begitantzen zaigun herrialdea bere argitasun guztiarekin azaldu digu Lopezek blog honi esker: Derry eta Belfasteko muralak, Dublingo Customs House... inoiz ikusi ez genituen bezala.


Beste atal batzuetan, Barakaldoko gaztetxearen argazkiak, postaletan erakusten ez duten Bilbo horretakoak (?Eguzkitan? izenekoa oso originala iruditu zaigu) eta Euskal Herriko zenbait paisajeren argazki ederrak ikusi ditzakegu begizta.net-en.


Webgunean azaltzen duenez, bere burua ?argazkigintzaren mundutik larregi urruntzen ez uzteko asmoz eginda dago? gune hau. Ez du ematen momentuz asko urrundu denik behintzat. Baina zer egiten duzu oraindik artikulu hau irakurtzen? Zoaz segituan begizta.net-era!

Biluziak: begirada hezitzen

Ikasi; ezagutzen dugunetik aldenduta gorputza ikasi, gure begirada izoztu, urruna eta objektiboa egin arte. Helburu hori dute, Nicolas Lopez-ek egindako argazkiek, egunotan Nafarroako Unibertsitate Publikoan ikusgai daudenak. 1986 eta 1987.urteetan egin zituen honako argazkiak. Gizakion formen, ulermen eta ikasketa egiteko pentsatuak dauden irudiak, artistaren prismatik begiratuta.

Bodegoiarekin batera, biluzia izan da arte adierazpen guztietan nagusiki erabili den gaia. Gizaki gorputza, gorputz soila izateaz aparte, hamaika modu ezberdinetan garatzen diren lerroen batura da. Horrexegatik, eta betidanik, artista ezberdinek bilatu egin dute giza gorputzaren irudikapena egiten, bakoitza bere moduan, bakoitza bere esparruan. Nicolas Lopez-ek ere, giza gorputzaren irudia bilatu nahi izan du haren argazkietan. Txuri beltzean, gizon zein emakumeen gorputzek sortzen dituzten itzalekin jolasten du artistak lan hauetan. Giza gorputzek, mugarik ez dutela ematen du irudi hauek ikusita. Muga fisiko guztiak gaindituta, irudimenaren mugekin ere lan egiten du Nicol?s Lopez-ek, ikuslearen interpretazio askeari atea irekiaz.


Erakusketa berezia beraz, Nafarroako Unibertsitate Publikoko Sario eraikinean ikusgai dagoena. Ikasleek, bizitza monotoa apurtu eta irudimenarekin lan egiteko aukera izanen dute Nicolas Lopez-en argazkien aurrean geldituz gero.


Irudimenarekin lan egitea...zein zaila den unibertsitatean irudimena lantzea...horren truke kredituak ematen ez dituzten bitartean...

Famatuak beste modu batera ikusteko, Gerard Rancinan

Telebistan egunero ikusten ditugu. Beraien keinuak ezagunegiak egiten zaizkigu. Askok, janzkera, hizkera eta ibilkera bera ere kopiatu egin diete. Famatuak dira, oso ondo zehaztu ezin den talde bat. Kirolariak, modeloak, politikariak, lider espiritualak... ?Handitan zer izan nahi duzu?? galdetu zietenean erantzunik eman ez zutenak, hazi eta mundu guztiaren ahotan egotearen egoteaz gastatu samarrak dauden pertsonaiak. Baina horrelako kasuetarako daude Gerard Rancinan bezalako argazkilariak.

Michael Schumacher, Yasser Arafat, Fidel Castro, Bill Gates, Desmond Tutu, Dalai Lama... ziur ez zenituela inoiz horrela ikusi. www.rancinan.com webgunean topatuko dituzu, ?works? sailean. Aurretik inork ez bezala daude Rancinanen argazkietan: Martina Hingis tenis jokalaria Marilyn Monroe bailitzan; Zinedine Zidane futbolaria aldagela txiki bateko lurrun artean; Jaques Cousteau itsas dokumentalen egilea txori-banda batek inguratuta; Adriana Karembeu modeloa gore samar... denetarik aurki daiteke Rancinanenean. Famatu guztien tartean gainera kalean topatutako jendeari ateratako argazkiak (ez galdu ?a guy from the street? izenekoa).


Hainbat aldizkari ezagunetarako egin du lan Gerard Rancinanek. Besteak beste, bere Interneteko atarian ikusgain dituen argazkiak Sports Illustrated, Time, Life, L?Equipe edota The Independent Magazine bezalako aldizkarietako azalean azaldu dira eta beste batzuk iragarkietarako izan dira erabiliak. Hori gutxi balitz dagoeneko zortzi argazki liburu argitaratu ditu, www.byuspublishing.com atarian ikusgai daudenak.

Robert Capa argazkilariaren biografia kaleratu du Edorta Jimenezek

Francoren estatu-kolpearen ondorengo gerran ateratako «Milizianoaren heriotza» argazkiagatik egin zen ezaguna Robert Capa. Geroztik II Mundu Gerran, Normandiako lehorreratzean, Ipar Afrikan, Indotxinan... mundu osoko gatazketan erretratuak ateratzen aritu zen. Gainera 1947an Magnum argazki agentzia sortu zuen. Edorta Jimenezek adierazi bezala, ?Ca«aren kronika mendearen hiru herenen kronika da».

Robert Capa argazki kazetaritzaren aitatzat dute askok. Hungarian jaio bazen ere, mundu osoan ibili zen gatazkak erretratatzen. Tartean Euskal Herrian ere egon zen, 1937an faxistek Bilbo bonbardatu zutenean. Francoren estatu-kolpearen ondorengo gerran atera zuen hain zuzen ere bere argazkirik ezagunenetarikoa: ?Milizianoaren heriotza?. Gerora Txinan, Ipar Afrikan edota Normandiako lehorreratzean ibili zen, eta heriotzak ere gatazka gune batean harrapatu zuen: 1954an Indotxinan, tropa frantsesekin zihoala.


Orain, mende erdi igaro denean, Edorta Jimenezek Caparen biografia kaleratu du. Mundakakoak argazkilariaren bizitzarako gogoa goraipatu zuen: ?Haren bizizaletasuna, nola jakin zuen bizitzari aurre egiten, zein maiteak zituen lagunak, zein maite emakumeak?. Gainera, Capa ?sen hutsezko? ezkerraren borroketan gaztetatik murgildu izanak ere erakarri du Jimenez biografia idazterako orduan.


Capari buruzko bi biografia besterik ez zeuden orain arte eta biak ere ingelesez idatzita . Jimenezek bi biografia hauek eta ?Death in the making? liburutik ateratako datu berriak erabili ditu bere lanerako. Gainera, Parisen eta Renon aritu da biografia osatzeko datu bilketan eta hunkituta azaldu da, Parisen Bizkaiko 700 argazki baino gehiago daudelako. Lan horren guztiaren emaitza biografia labur batean bildu du Jimenezek. Euskal irakurleei ?besteek ez duten zerbait? eman izanagatik pozik agertu zen.