I?igo Muguruza

I?igo Muguruza pertsonai aski ezaguna da euskal musikaren munduan:Negu Gorriak, Delirium Tremens eta Joxe Ripiau bezalako taldeetan ibilitakoa, gaur egun Sagarroi egitasmoaren buru dugu. Egunotan Korrika Kulturalaren baitan Ezequiel antzezlanari musika jartzen dabiltza plazatik plaza, Antzerkiola Imaginarioko jendearekin batera. Ez dute lan erraza hartu Martxel Mariskalen izen bereko obra taularatzen. I?igo solaslagun izan genuen bat eta hutsen uholde baten bestalde:"Ezequielek globalizazioaren eragin bortitza eta egungo gizartearen adibide xume eta aldi berean kritikoa erakutsiko digu" dio promozio orriak, promo orriei kasu egin behar al zaie?


Kasu honetan bai behintzat. bizitza, sistema, maitasuna, laguntasuna, harremanak, globalizazioa, eta beste gai batzuei buruzko hausnarketa sakona eta kritikoa egiten du testuak.


Azaldu zertan datzan EZEKIEL antzezlana, alegia, zer aurkituko duen antzerkia ikustera joango den jendeak...


Ander Lipus eta Miren Gazta?aga Martxel Mariskal-en testu ederraren interpretazio izugarria, eta Sagarroi taldekideok zuzenean antzezlanaren soinu banda ipintzen. oso kontent gaude urte t'erdi kostatu zaigun lan honekin.


Erregistro musikal ohikotik atera zarete, edo Sagarroiren kantuak erabiltzen dituzue?


Apur bat atera gara gure ohiko erregistrotik. Sagarroi taldearen zenbait kanten bertsioen zati batzuk sartu ditugu, baina hauekin batera sorpresa batzuk, eta baita espreski giroak sortzeko zenbait melodia eta musika.


Anaiekin batera askotan elkarlanean ibili zarete, eta gaur egun bide ezberdinak jarraitzen badituzue ere, zeinengandik sentitzen zara hurbilen (musikalki)?


Jabier eta Ferminen jarraitzaile sutsua naiz. Oso disko ederrak grabatzen jarraitzen dute, eta zuzenean ere haien kontzertu oso ederrak ikusi nituen iaz. Ferminen musika hurbilagoa sentitzen dut, reggae eta mestizaiaren zaletasuna konpartitu egiten dugu.


Zer sentitzen duzu txoznetan Negu Gorriak edo Kortaturen abestiak entzutean? Zergatik "geratu" gara 80. hamarkadan?


Nahiz eta batzuetan nekagarria suertatu, gehienetan harrotasuna sentitzen dut Kortatu, Negu, Delirium, Joxe Ripiau edota Sagarroiren musika jartzen dutenean txoznetan edo beste toki batean.

Negu Gorriak ez zen 80. hamarkadan atera, 90.an baizik. ez nago ados 80.an geratu garela, onartzen dut oso garai bizia izan zela eta bizi genuenok ez dugula ahazten, baina nire betiko filosofia oraingoa dela hoberena da.


Zure "seme" bakoitzeko kantu bat (beno, edo bi...) aukeratu behar:


1.Kortatu: Revuelta en el Frenopatiko
2.Negu Gorriak: Itxoiten
3.Delirium Tremens: Laino Ilunak
4.Joxe Ripiau: Paradisu Zinema
5.Sagarroi: Ia Gainontzekoa Lez




Eta hau amaitutakoan biran ibiliko zarete Alemanian, kasu honetan Sagarroirekin, badakizue zer aurkituko duzuen bertan?


Ba ez dakit. abenduan Suitzatik ibili ginen eta areto txikietan baina izugarrizko jai giroan jo genuen. Alemaniara berriz ez naiz joan orain dela 10 bat urte. Kortatu eta Negurekin asko ibili ginen hortik, baina harrez geroztik ez naiz bueltatu. Lucha Amada erakundeak prestatu du bira eta oso jende jatorra omen da, birak oso ondo antolatzen dituena.



Ezequiel Antzezlana honako lekuetan ikus-entzun ahal izanen da:


Otsailak 24, osteguna: Bara?aingo auditorium-a.
Otsailak25, ostirala: Tolosako Leidor antzokia.
Otsailak 27, igandea: Gasteizko Iba?ez de Matauko ( Hegoalde zentro zibikoa ).