Robert Capa argazkilariaren biografia kaleratu du Edorta Jimenezek

Francoren estatu-kolpearen ondorengo gerran ateratako «Milizianoaren heriotza» argazkiagatik egin zen ezaguna Robert Capa. Geroztik II Mundu Gerran, Normandiako lehorreratzean, Ipar Afrikan, Indotxinan... mundu osoko gatazketan erretratuak ateratzen aritu zen. Gainera 1947an Magnum argazki agentzia sortu zuen. Edorta Jimenezek adierazi bezala, ?Ca«aren kronika mendearen hiru herenen kronika da».

Robert Capa argazki kazetaritzaren aitatzat dute askok. Hungarian jaio bazen ere, mundu osoan ibili zen gatazkak erretratatzen. Tartean Euskal Herrian ere egon zen, 1937an faxistek Bilbo bonbardatu zutenean. Francoren estatu-kolpearen ondorengo gerran atera zuen hain zuzen ere bere argazkirik ezagunenetarikoa: ?Milizianoaren heriotza?. Gerora Txinan, Ipar Afrikan edota Normandiako lehorreratzean ibili zen, eta heriotzak ere gatazka gune batean harrapatu zuen: 1954an Indotxinan, tropa frantsesekin zihoala.


Orain, mende erdi igaro denean, Edorta Jimenezek Caparen biografia kaleratu du. Mundakakoak argazkilariaren bizitzarako gogoa goraipatu zuen: ?Haren bizizaletasuna, nola jakin zuen bizitzari aurre egiten, zein maiteak zituen lagunak, zein maite emakumeak?. Gainera, Capa ?sen hutsezko? ezkerraren borroketan gaztetatik murgildu izanak ere erakarri du Jimenez biografia idazterako orduan.


Capari buruzko bi biografia besterik ez zeuden orain arte eta biak ere ingelesez idatzita . Jimenezek bi biografia hauek eta ?Death in the making? liburutik ateratako datu berriak erabili ditu bere lanerako. Gainera, Parisen eta Renon aritu da biografia osatzeko datu bilketan eta hunkituta azaldu da, Parisen Bizkaiko 700 argazki baino gehiago daudelako. Lan horren guztiaren emaitza biografia labur batean bildu du Jimenezek. Euskal irakurleei ?besteek ez duten zerbait? eman izanagatik pozik agertu zen.

Modorra, euskal diseinatzaile gazteen erakusleiho

MODORRRA ez da euskal diseinatzaile gazteen desfile hutsa; irakurketa gunea, mikrouhinean berotutako palomitak jan bitartean nazioarteko desfileak ikusteko aukera ematen duen zinema, makilaia tailerra, antzerkia, fokoak, diseinua pasarela gainean eta ikusleen artean,... eta fondo bezala, modako kantuak behin eta berriz. Guzti hau eta gehiago da Modorrra.

Aurten, lehen aldiz ?Ensanche? eraikinean ospatu zen, apirilak 16 eta 17an. Igandean, arratsaldeko 6etatik aurrera Marta Ter?n bilbotarraren 2006 Udazken/Negua kolekzioa ikusteaz gain, Megamix/Nahaste Borraste desfilean estatu mailan ezagunenetarikoak diren 10 diseinatzaile euskaldunen lanak ikusteko momentua iritsi zela adierazi ziguten bi aurkezle supermegafashionek (modan azkan txilixu): Amaya Arzuaga, Carlos Diez Diez, Ion Fiz, Marta Teran, Miriam Ocariz, Ailanto, Angela Arregui, Jota mas Ge, Mercedes de Miguel, eta NKN freak.


Pasarela gainean, modelo profesionalez gain, ?modelo total-ena? izateko lehian aritu ziren adin, izaera, altuera eta zabalera desberdineko hainbat modelo ez profesional. Lastima modelo eta ?modelitoak? hain azkar pasatzea! Hain ikusgarriak ziren orrazkeretan erreparatuz gero, arropetan fijatzeko denborarik ez! Hala ere, gogoekin geratuz gero, hainbat disenatzaileren arropa, bitxi, poltsa eta sorkuntza ezberdinak ikusi, ikutu eta probatzeko aukera ere bazegoen bi gunetan antolatutako merkatuan. Arropen diseinua hain gustoko ez dutenek berriz, bestelako gauzak ikusteko aukera ere izan zuten, bi desfileen artean La alfombra roja-koek antzeztutako antzezlana kasu, ikusleen artean erreakzio desberdinak sortu zituena. Arratsaldea pasatzeko aukera alternatibo bat, tamalez nahi bestetan gozatu ezin daitekeenaz gozatzeko aukera ematen diguna.

 

Chillida, Surrealistak eta Ingalaterrako pop art-a izango dira Bilboko Arte Eder Museoko erakusketa berriak

Eskultore donostiarraren «Dardara burdinak II» ikusgai izango da apirilaren 26tik ekainaren 26ra bitartean Arte Eder Museoan. 2003. urtean eskuratu zuen museoak obra hori eta eta Gonbidatutako Obra Programa dela-eta ipini da ikusgai, bilduma partikularretako «Dardara-burdinak I» eta «Dardara-burdinak III» eskulturekin batera. Chillidaren heldutasungaraiko lehen urteetan burututako lanak dira hirurak, 1955etik 1957ra bitartean eginikoak.

Bestalde, ekainaren 20tik irailaren 18ra ?Paris eta surrealistak? erakusketa izango da ikusgai. Victoria Combaliak hautatutako 270 margolanen artean Joan Miro, Marcel Duchamp, Salvador Dali, Andre Breton edo Max Ernsten mailako izenak topatuko ditu Bilboko museora hurbiltzen denak. Arte Eder Museoak azaldu duenez, erakusketaren helburua ?gerra arteko Pariseko giro artistiko eta intelektualaren berri ematea da, garai hartan izan zuen-eta Surrealismoak unerik gorena?. Erakusketak, besteak beste, surrealisten izaera berritzailea, sortzaileen eta diziplinen arteko harremana eta artista talde horrek politikarekin izandako harreman korapilatsua ulertarazteko baliagarri izan nahi du.


Azkenik, urriaren 17an hasi eta hurrengo urteko otsailaren 12ra bitartean Ingalaterrako pop artaren ordezkaririk nabarmenenek hirurogeiko hamarkadan erabilitako gaiak, irudiak eta prozesu teknikoak aztergai izango dituzte. Hogei artista inguru eta 75 pintura eta eskultura izango dira ikusgai guztira.

Neurona, zeurona... geurona den hizkuntza

Azken aldian euskalgintzak eginiko bideari buruzko saiakera asko ikusten ari gara. Badirudi alor guztietan inflexio puntu batera helduak garela dagoeneko, eta euskararen sustapena ere aldaketa garaian dagoela. Etorkizunera begira gogoetaren beharrean dagoela. Gogoeta horri lagundu nahi dio Fermin Etxegoienen (O?ati, 1966) Neurona eta Zeurona liburuak.
Ikuspuntu apurtzailea dakarkigu Etxegoienek saiakera labur baina sakon honetan. Euskararen erabileraren inguruan egiten diren interpretazio esentzialistak alde batera utzi eta hizkuntzaren balio estetikoa landu behar dela esaten digu. Euskara sakralizatu beharrean euskararen bidez lortzen den ?plastika berezi? hori jorratzearen alde azaldu zaigu Etxegoien.


Euskararekin lurralde ?bastardoak? konkistatzea proposatzen du, hau da tradizionalki euskararen eremutik urrun egon diren espazioetan euskara erabat normala izatea. ?Garai batean ez zen halako komodoa euskaraz edozein kontuz aritzea? dio saiakeraren erdigunea (hizkuntzaren estetika) azaltzerako orduan. Bere esanetan, erosotasun falta hori ?arazo estetikoa? hain zuzen ere.


Gainera, gure begien zorionerako, euskaldun berri eta euskaldun zaharren arteko etena gainditzeko formula eskaintzen digu Etxegoienek: ?berri eta zaharren artean ez nituzke nik, egun, euskaldunak bereiziko. Euskaltasunean gero eta gehiago direnen zein gero eta gutxiago direnen artean baizik?. Interesgarria da era berean, euskaldun zahar batzuen inguruan egiten duen gogoeta: ?Euren hizkuntzaren jatortasunaren biktima bilakatzen dira zenbait euskaldun, eta honek galga ere badakarkie, kasu batzuetan, euskal gizarte garaikidean parte hartzerako orduan?.


Horraino balio estetikoa defendatzeari dagokion atala. Liburuaren bigarren atala orain arteko ikuspuntu esentzialistaren (euskara sakralizatzea, euskalduna=abertzalea... etab.) gabeziak azaleratzeko erabili du o?atiarrak. Tartean eztabaida eskatzen duen galderarekin: ?euskal estetikak (hizkuntzak) irabaz dezan... zenbateraino da beharrezkoa (...) independentzia politikoa? Edota alderantziz: inork pentsatu ote du ?kontrakoa ere? ekar liezaigukeela burujabetasun politikoak??.


Zaila da laburra izan nahi duen komentario honetan horrelako liburu bati buruz taxuzko gauzarik esatea. Euskararen etorkizunean interesa duen edonork irakurri beharko lukeen liburua da hau, denoi ezagunak egiten zaizkigun egoerak (eten estetikoarena adibidez) teorizatzen laguntzen duelako, eta batez ere, norbere buruarekin eztabaida sortzen laguntzen duelako.

DUT: Hamar urte lehen diskaz geroztik

«Imaginatzen duzu Mikel Laboa Helmet taldeko kantari berri gisa? Eta Henry Rollins bere taldea utzi eta Beti Gerla txalapartariekin batera?». Ba horrelakoak ziren Fermin Muguruzaren ustez 1995.urtean lehen diska kaleratu zuten bost hondarribiar hauek: Duten lehen lan luzea zen. Zerbait aldatzeko etorri ziren.

Izan ere jende asko Duten lehen diska hari esker hasi zen talde ?arraro? berriekin interesatzen. Esan liteke, Dut gabe Lisab?, Akauzazte edota Mizturarainoko bidea zaila izango zela askorentzat, baita hain esperimentalak ez diren beste talde askotarako ere (Kuraia adibidez). Lehen diska hura mugarria izan zen. Mugarri izan ziren besteak beste ?Legea hil?, ?Itxura faltsuak?, ?Zurrunbilo?, ?Ezjakintasunaren kateak suntsitu? edo Mikel Laboaren ?Urtsua uda?ren bertsio ahaztezina. Estilo nahasketaz, gorrotoa eta etsitasuna uztartzen zituzten letrekin, (nola ahaztu ?Zurrunbilo? kantako klaustrofobia?) Dutekoen lehen kolpea izan zen.


Kaki Arkarazorekin grabatu zuten, Amasako IZ estudioan duela hamar urteko apirilean. Kolaboratzaile ugari izan zituzten alboan, besteak beste Eneko BAP!!, Beti Muganeko Nagore, Kaki Arkarazo bera edo Illusionseko Be?ardo. Gonbidatu hutsak baino ezinbesteko piezak dira, soinuak bere osotasuna lortzeko beharezko gakoak.


Ekainean kaleratu ondoren Euskal Herrian, Katalunian eta Madrilen aritu ziren aurkezpen biran. Festimad erraldoian ere utzi zuten arrastoa baita Negu Gorriak teloneatzen Zaragozan, Valentzian, Parisen eta beste hainbat hiritan egindako kontzertuetan.


Geroztik zer? Hirukote bihurtuta beste bi diska kaleratu zituzten: ?At? (Esan Ozenki,1996) eta ?Askatu Korapiloa? (Esan Ozenki, 2000). Gainera Fermin Muguruzarekin batera kaleratutako ?Ireki ateak? (Esan Ozenki, 1997) arrakastatsua ere nabarmendu beharrekoa da. Gaur egun taldeko kideak beste proiektuetan murgilduta dabiltza: Joseba Ponce (baxua) eta Galder Izagirre (bateria) Kuraian ari dira eta Xabi Strubellek (gitarra) Anari eta Sorkunekin ibili ondoren Zura taldearekin ?Ilargi Handi Zauri Zarae? lana kaleratu berri du.


Hamar urte ez dira alferrik pasa eta 95ean hasi berriak ziren musikari horiek ezinbesteko erreferentzia bihurtu dira gaur egun. Hala ere, diskak hor geratzen dira, norbaitek entzuteko zain, eta Duten lan homonimoa bere garaian ezagutu ez zuenak orain du aukera bikaina. Merezi du.

Zea Mays: "Sortuz, grabitatearen aurka"

Bilbotarren laugarren lana itxaroten eman ditugu askok azken hiru urteak. ?Sortuz, Grabitatearen aurka? hartu du izena laukotearen lan berriak.

Lau diska, hiru diskoetxe ezberdinetan, egunerokotasunean erori gabeko lau lan. Aurrekoarekin gizakiaren jaiotzetik hiltzerako prozesua izan bazuten hizpide, oraingoan ?Elektrizitatea? diskoaren ildora bueltatu dira. Hitzak aurreko lanetan baino askoz positiboagoak direla esan genezake, eta halaxe dira melodiak ere, azkenaldian irratietan entzuten ari garen ?Besterik ez naiz? kasu. Kantu honetan, Rafa Rueda lagunaren kolaborazioarekin, taldean orain arte entzun ez ditugun melodiak ageri zaizkigu, orain arte agertu ez zaizkigun modu batean.


Aioraren ahotsa ez da (aurreko kasu askotan bezala) birtuosismotan erortzen, beste modu batetara jolasten du bere instrumentuarekin. Eboluzio koherentearen kasu argia dugu Zea Mays, melodietan oinarritutako taldea izaten jarraitzen duelarik. Bapatean, abisatu gabe hasten den diskoa dugu, bigarrenean aipatutako ?Besterik ez naiz? abestiak ustekabean hartzen gaitu, eta hortik aurrera dena erraz sartzen da: 12 kantu dira guztira, gozamenerako 53 minutu.


Aurreko lanetan baino kantu askoz linealagoak ditugu bertan, landuagoak agian, irekiagoak. Grabazioaren atzean entsegu ordu asko daudenaren irudikapena hartzen da segituan. Queens Of The Stone Age edo Mars Volta bezalako taldeei ikusmirak zabalduz, azkeneko lan izugarria dugu hau.


Aurkezpen birako lehen bi kontzertuak bertan behera gelditu eta gero (Gorlizeko Xurrut eta Hazparneko gaztetxean) hasiak dira jada zuzeneko emanaldiekin. Honatx datak!


Apirilak 23, Bukowsky (Donostia)

Maiatzak 6, La Kelo (Santurtzi) + Evirus 69

Maiatzak 12, Terminal (Iru?ea)

Maiatzak 14, Gaztetxea (Elorrio) + Evirus 69

Maiatzak 20, Gaztetxea (Eibar)

Maiatzak 21, Kafe Antzokia (Ondarru) + PI_LT

Uztailak 1, Jaiak (Errekalde)

Uztailak 2, EH ZUZENEAN


Informazio gehiago beraien webgune berrituan: www.zea-mays.com

Lugares Comunes

?Liburuak bezala, pelikulak barnean daramagun itsaso izozturako aizkorak izan behar dira?: Franz Kafka


Zinemako iturri puru eta oinarrizkoena hitza dela maisuki erakusten du behin eta berriz Aristarainek bere pelikulekin.

Batzuetan, zertzelada txikiak dira filma bat handi egiten dutenak. Begirada bat, keinu ulergarri bat edo isiltasun bat erabakigarriak izan daitezke ikuslearengan emozioa pizteko. Eta ikus ezinak diren hari fin hauen truku magikoa erabiltzen du Aristarainek pelikula forma duen bere azkeneko bizi konpromisoa lantzeko. ?Lugares comunes? bere ametsetatik erbesteratutako generazio baten desenkantuaren kronika da. Gizarte argentinarra kaosean itota dago eta gizon batek (Federico Luppi) munduan bere lekua galtzean bizitzako papera zein den zalantzan jartzen du. Inolako abisu gabe lepoa ematen dion bizitza, bere ideologia eta amets utopikoak ber planteatzera daramana.


Barne bakarrizketa baten bitartez eta bere hausnarketa eta meditazioen bide ilunetik, kontzeptu kapitalak diren denboraren iragaitea, gure arrazoiaren mugak edo gure arimak gordetzen dituen gatazka eta kontraesanak bezalako kontzeptuetara garamatza. Eta guzti hori gure kontzientziak astintzen dituen begirada argi eta aske batetik egiten du, espazio komunak existitzen direla onartzera laguntzen diguna, zeintzuk, seguruenik, mundu ulergaitz eta ezinegon amaiezin honetan ditugun heldu leku bakarrak diren.


Ezkerrari buruz mintzo denean ezkortasuna ageri zaio, ?no jode a nadie, ya no es m?s una amenaza revolucionaria, es una chapita de ?sas, c?mo es un pin, un graffiti. Pura nostalgia?.


"Lugares comunes" adinean zahartzarora hurbiltzen goazen heinean bizitzak dakarzkigun galeren inguruko hausnarketa bat da, segurtasun ezak sortzen duen zorabioaren koadro bat, dezepzioarena, historiarekin dugun konpromisoak dakartzan zalantzen oasia. Lor ezinak izan daitezkeen arren, hain beharrezkoak ditugun utopien errebindikazioa egiten duen obra handia da hau.


Bere buruaren aurka borrokatzen duen tango bat da, baina abestu beharrekoa, denboraren zauriek sortutako urradura espiritual eta benetakotasun existentzialetik abestua, denok batera abestu beharrekoa.


Fitxa Teknikoa

Lugares Comunes

Argentina-Espa?a, 2001

Espainolez, kolorez, 110m.

Zuzendaria: Adolfo Aristarain

Aktoreak: Federico Luppi (Fernando), Mercedes Sampietro (Liliana), Arturo Puig (Carlos), Carlos Sanatamar?a (Pedro), Valentina Bassi (Natacha), Mar?a Fiorentino (Tutti Tudela), Claudio Rissi (Demedio), Osvaldo Santoro, Pepe Soriano...

Gidoia: Adolfo Aristarain eta Kathy Saavedra, Lorenzo F. Aristarainen nobelan oinarritua

Produkzioa: Adolfo Aristarain eta Gerardo Herrero

Ivan Ferreirok Artsaian aurkeztuko du bere diska berria

Gau berezia izango da maiatzaren 6koa, izan ere Ferreiroren bakarkako ibilbidearen lehen pausoak ikusteko aukera izateaz aparte, Tristessa taldea eta Los Planetas taldekoen DJ sesioa ere izanen baitira ikusgai.

?Canciones para el tiempo y la distancia? diska kaleratu berri du Ivan Ferreirok, Amaro bere anaiarekin batera. Piratas taldearen abeslari moduan 15urtez aritu ostean, bakarkako ibilbideari ekin dio Vigoko artistak lan berri honekin. Piratas-en bidai musikala bukatu zenean, Amaro anaiarekin hasi zen musika egiten. Hasiera batean aisialdi moduan ulertu zutena, laster musika egitasmo serioan bilakatu zen, hilabete honetan aurkeztu duten diskan gauzatu dena. Bertan besteak beste Karlos Aranzegi eta Mikel Irazoki euskaldunek parte hartu dutelarik


Diska aurkezteko, Tournedo 2005 izena jarri dioten, bira hasi dute Ivan Ferreiro eta taldekideek. Iru?a ondoko Artsaia aretoan izanen dira maiatzaren 6an. Egun horretan, bertako Tristessa taldea izanen dute aurretik. Rock anitza egiten du Tristessak, musika eremu askotara heltzen dena. Azken aldian Nafarroa aldean, arrakastaz arrakasta dabilen taldea dugu. Eremu Lauak-en musika atalean irakurgai dago haiekin egindako elkarrizketa. Gau bikaina borobiltzeko, Los Planetas taldeko kideen DJ sesioa izanen da gaueko ordubietatik hasita, Florent eta MC Perez-en eskutik. Eremu Lauak hantxe izanen da, eta guzti honen berri emango du hurrengo asteetan.


Arestian aipaturiko guzti hau, maiatzaren 6an izango da gaueko 22.00etatik aurrera Aizoango Artsaia aretoan. Sarrerak 15eurotan, jadanik salgai daude, kontzertuaren egunean 22euroko balioa izango dute.


Tournedo 2005 bira hau Euskal Herrian ikusteko aukeretako bat izanen da Artsaiakoa. Beste zita Donostiako Rock-Star-en izango da maiatzaren 7an gaueko 22:00etan.

Literaturari buruzko eztabaida Volgako Batelarienean

www.eibar.com/blogak/volga da helbidea. Aldizkaria ?potrotan? jarri zaielako sortu dute. ?Mo?o?otasuna, zurikeria, bertso-kitsch-laritza, biktimismo orokortua, produkto literario paketatua, euskararen kalonjeen (uler bedi irakurle militanteen) nagusitasuna, plastidekor idazleak...? horiek guztiak gaitzesten dituzte. Polemika sortzeko etorri dira.

Eta sortuko dute dudarik gabe. Baina ez diote beldurrik. Dagoeneko zintzilikatu dituzte testu batzuk, eta erabiltzaile baten batek erantzun ere egin du. ?Eta zer pu?eta daukazue zuek irakurle militanteen kontra??. Esandakoa, polemika sortu dute.


Blogaren edukiei dagokionez, sei ataletan daude banatuak: Elkarrizketak, Inoiz idatziko ez nukeena (testu ?onartezinak? argitaratuko dituzte bertan), Kritikak, Irakurri gabeko liburuen kritikak (?), Testuak (literaturaren inguruko gogoetak, itzulpenak, burutazioak...) eta Volgako Batelarien Ukaseak (ohar kolektiboak) topatuko ditu hurbiltzen denak.


Rikardo Arregi Diaz de Heredia, Ibon Ega?a, Anjel Erro, Juanjo Olasagarre eta Iban Zaldua dira Volgako Batelariak bloga (orain askatu mingaina) sareratu dutenak. Orain arte kaleratutako testuen artean Pello Lizarralderi eginiko elkarrizketa, Audenek norbere paradisuaren nolakotasuna definitzeko proposatutako galderak edo Dennis Cooperren poema baten itzulpena aurki ditzakegu besteak beste.

Periferiak martxan jarriko da Apirilaren 22an

Apirilak 22 eta ekainak 2 bitartean Periferiak jardunaldiak ospatuko dira Bilbo eta Donostia bitartean. Antzerki ekintzak Bilboko zubietan; hiri espazioa, emakumea eta errepresentazioa; fikzioaren eta dokumentalaren artean; mundurik gabeko poesia; hiri oparoa, auzoen ikusezintasuna eta bazterketa.

Periferiak zubiak dira, espaziorik gabeko espazioak, izatearen eta egotearen arteko mugimenduak, eta alderantzitutako irribarreak desira nahiak ohiuz azpimarratuz. Zubiak: I, II, III, IV, V.


Hitzaldiak, dokumentalak, musika, FAS Zine kluba, tailerrak, proiekzioak, performance-ak? Hemen egitaraua (Bilborock eta San Frantziskoko gizarte etxean doan, 6 ¤ itsasontzirako. Kontzerturako sarrerak salgai Urretxindorran, Kafe Antzokian, Power Records eta Likinianon 8 ¤tan):


Bilbo:



Ostirala 22:

FAS Zine kluba (Indautxu Plaza): 19:00

Zubiak: dokumentalak

H?iti. Untitled

66 Scenes from America

Jorgen Leth


Larunbata 23:

Oller?as Bajas 10: 20:00 eta 22:00

Zubiak: acciones y perfomance

Citric city/ Zitroi Hiria


Igandea 24:

Cortes 29-31: 19:00

Zubiak: dokumentala

La Cuarta Guerra Mundial

Michael Franti/ Suheir Hammad


Astelehena 25:

Puente de la Ribera: Muelle Marzana: 11:00

Zubiak I: Ataca o acata


San Frantzisko Gizarte Etxea: 19:30

Modos de ver

Cambios esenciales y representaci?n en la ciudad

Teresa del Valle/Dora Salazar


Bilborock: 21:30

Zubiak:dokumentala

Can Tunis

Paco Toledo


Asteartea 26:

FAS Zine Kluba (Indautxu Plaza): 18:30

Ikusteko moduak

Filmando apuntes

Jorgen Leth


Zubi Zuri: 17:00

Zubiak: fikzio dokumentalak

The Perfect Human/ Las cinco condiciones

Jorgen Leth-en aurkezpena


Asteazkena 27:

San Frantzisko Gizarte Etxea: 11:00

Componiendo imagenes: Jorgen Leth-rekin tailerra


Zubi Zuri: 17:00

Zubiak II: ??Por qu? todo junto se escribe separado y separado se escribe todo junto??


FAS Zine Kluba (Indautxu Plaza): 19:00

Zubiak: dokumentala: ?De ni?os?: Joaquin Jord?ren aurkezpena


Osteguna 28:

Arriaga Zubia: 14:00

Zubiak II: Hule


San Frantzisko Gizarte Etxea: 19:30

Modos de ver: Poes?a sin mundo

Antonio Mendez Rubio


Kafe Antzokia: 22:00

Zubiak:

Zura, Anari, Appaloosa


Ostirala 29:

San Frantzisko Gizarte Etxea: 11:00

Kontatzeko moduak: Cuando la calle suena

Antonio Mendez Rubioren tailerra


San Frantzisko Gizarte Etxea: 16:00

Modos de ver: Ciudad opaca

Joaquin Jord?/ Phillippe Bourgois


Ribera Zubia: 19:02

Zubiak IV: BI-RSS 00- 05

( asalto de frecuencias huecas)


Sarean Taberna: 20:30

Zubiak: Dokumentala

De ni?os

Joaqu?n Jord?ren aurkezpena


Larunbata 30:

Formas de Narrar: 12:00

La mirada directa e indirecta

Joaquin Jord?ren tailerra


Euskalduna Jauregia: 14:00

Zubiak V

Memoria Sonora/Nabigatuezin dutenez


Cortes 29-31: 19:00

Kontatzeko moduak: miedo urbano y cartografia social

Phillippe Bourgoisekin tailera


Igandea 1:

Uribitarte aurrean (ezkerraldean ): 13:00

Zubiak: Lectura fluvial en barco

I?aki Uriarterekin


Donostia (Arteleku)

Maiatzak 16-17 eta Maiatzak 30- Ekainak 2


Democracia de guerra en la crisis del Estado-Nacion

Angela Y. Davis- Belen Gopegui- Juantxo Estebaranz


Devenir territorio en una econom?a mundo

Giovanni Arrighi- Juanmari Madariaga- Santiago Lopez Petit


L?Ab?c?daire-ren proiekzioa (Giles Deleuze)

Txantrea, Barrio Conflictivo izatetik Urban Terror izatera!

Norberaren herria edo auzoa, fikzioan protagonista izatea, hori bai ilusioa, filme bateko kokagune, literatur lan bat bertan girotua izatea...ilusio hori bera izan zuen Txantreako bizilaguna den Iker Martinezek. Bere betiko auzoa, Txantrea, bideo joku baten kokagune izateko ilusioa hain zuzen ere. Hasiera batean, lagunekin jolasteko sortu zuen egitasmoa, auzo eta hiri mailara zabaldu egin da, egilearen harridurarako.

Urban Terror Txantrean

?Txantrea Beta2? izena hartu duen joku hau, ez da berez joku bat, pantaila bat baizik. Quarque III jokuaren bertsioa den Urban Terror-en pantaila bat soilik. Horrek harritu du gehienbat Iker Martinez, ?Urban Terror-en milaka pantaila daude gaur egun sortuta, nirearekin horrenbesteko ospea lortzeak txundituta uzten ari nau?, bainan Txantrea Txantrea da, eta bertan girotutako edozer gauza zabalkunde izugarria izango du, horrelakoak dira bertan !


Bi urte eman zituen Ikerrek pantaila hau prestatzen. Teknika asko ikasi behar izan zuen, izan ere ordurarte ez baitzen horrelako lanetan ibili. Lagunen laguntzarekin, gutxinaka gutxinaka ingeleraz zeuden hainbat tutorial deszifratuz, pantaila nola osatzen zen ulertu ahal izan zuen. ?Kuboz osatzen da pantaila, haien gainean argazkiak pegatzen direlarik, etxe edo gunearen irudia emanez? azaltzen du Ikerrek. Gauzak horrela, kamara hartu ta kalera joan zen, Txantreako txoko guztiak haren kamararekin jasotzera. Ez soilik etxeak eta kaleak, baita kotxeak, autobusak...Noski gazte bat kotxeei argazkiak ateratzen, gure herrian susmagarri! Laster hasi zitzaizkion zertan hari zen galdezka, bainan gauzak azalduta arazorik gabe egin ahal izan zuen haren jarduna, ?billabesa bateko gidaria, gelditu eta argazkia egiten lagundu zidan, posatzen ibili zen inkluso autobus barruan? komentatzen du Iker Martinez-ek bitxikeri moduan. Argazkiak eskutan, eta Photoshop-mirari egilearen laguntzaz, argazkiak pantailan sorturiko kuboetan itsasten joan zen. Urban Terror zaletuen artean zabaldu egin zuen pantailaren berri, eta haiek lagundu zioten pantailari azken xehetasunak ematen, zenbait kamioi, kotxe eta inkluso Iru?ean hain berezi diren leoi berdearen iturria, mundu guztian dauden pantaila hauen zaletuen laguntzaz egin zituen.


Jokuaren erdigunea, Txantreako Felix enparantzan dago kokatua. Bertatik irtetetzen diren kaleetan, Txantreako eraikin mota ezberdinak islatu nahi izan ditu Ikerrek, horretarako errealitatean bertan ez dauden zenbait kale jarri behar izan ditu. Dena den jokuak errealismo handia dauka, auzoa ezagutuz gero, erraz topatuko du bisitariak hainbat eta hainbat txoko berezi, bai Txantreako ohikoak diren patioak, baratzeak eta baita pareta guztietan ikus daitezkeen hamaika kartel ezberdinak ere! Bisitarientzako ohar bat, adi jokuaren soinu bandari! Felix enparantzaren albo bateko lokal bateko atea irekiaz, Barricada taldea baitago entsaiatzen, ze abesti? Ba nola ez ?Txantrea Barrio Conflictivo?!!


Sortu eta gero sorpresa

Behin pantaila sortuta eta sarean eskegita zegoelarik hasi zen zabaltzen Txantreari buruzko lan honen berri. Hasiera batean Urban Terror zaletuak izan ziren, pantaila berezi hau ezagutu eta txalotu zutena, bainan geroxeago Iru?errian zabaldu zen albistea. Iker Martinezek, haren lagunak eskatuta, pantailaren aurkezpen bat egin zuen auzoko Akelarre tabernan, baita jokatzeko jardunaldi bat ere. ?Geroztik, irrati, telebista, egunkari...guztietatik deitu naute, jokoaren berri eman dezadan? esaten du harrituta Ikerrek, izan ere konfutsio asko dago honen inguruan, eta medioek tamalez ez dute oso ongi argitu zertan datza joku hau. ?Joku hau ez da ohiko dendetan eros daitekeen joku bat, ez baita inon ere ez saltzen, internetetik jeitsi eta jolasteko egina dagoen pantaila bat besterik ez da?, azaltzen du Ikerrek.


Arrakasta honetaz jabetuta, jende guztiari jokua iristea nahi izan du Ikerrek, Urban Terror jokuarekiko interesa zabalduz gainera. Horretarako Txantreako Akelarre tabernan pantailaren kopiak salgai daude 3eurotan., kopia hauekin ezin da berez interneten jolastu horretarako Urban Terror-en kode bat behar baita, eta gaur egun oso zail dago zenbaki hauek lortzea, bainan behintzat jokua eta pantaila nolakoak diren ikus daiteke. Honetaz aparte Iker Martinez-ek bere pantailaren aurkezpen moduko web gunetxo bat sortu du http://usuarios.lycos.es/uttxantrea/ helbidean. Urban Terror Jokuaren inguruko informazio gehiago izan nahiean, www.urbanterror.net

 helbidea da interesgarriena, ingelesez baldin bada ere.


Animatu zaitezte, jolastu eta ezagutu Txantrea auzoa! Eta ze demontre, sortu zuek ere zuen herriko, auzoko edo hiriko pantaila ere!!

Musikadero Maketa Lehiaketako finalistak aditzera eman dira

I. Musikadero Maketa Lehiaketako finalistak aditzera eman dira gaur. 50 maketak entzun eta baloratu ostean 16 finalistak www.musikadero.org webgunean publikatu dira. Hurrengo bi hilabeteetan talde hauek beraien zuzenekoa eskaintzeko aukera izango dute Zallako Pub Arco tabernan.

Hona hemen lehenengo edizio honetako aukeratuak:

POG MO THON

IF...

FACTORX

MOCKBA

NUUK-AT

SATIVA

UBI SUNT

PROTEITOCOPTOS

THE SINCLAIRS

BEHINEN

MOEBIUS

CASSIUS

WHISKY VINO

ACTOR SECUNDARIO BOB

WHITE WOOD

DARK FANTASY

Loft Morton: birziklapena arkitekturan

Birziklapena pil-pilean dagoen garai honetan, egitasmo honek elementuak berrerabiltzen ditu etxebizitza bat eraikitzeko; baina hau ez da goraipatu nahi dudana, arkitektura burutzerako orduan bestelako material eta elementuei so egitea baizik. Gaur egun dirudi etxebizitzen aukera zabala edozein egunkaritako gehigarrira mugatzen dela, burututako adibide eta tipologia ezberdinak baztertuz, gaur egun ere burutzen direnak, eta espero, etorkizun batean ere eginen direnak.

Loft Morton-i buruz ari gara kasu honetan, New York-en kokatua, 1999an LOK/EK Architects-ek burutua. Ez da lehen aldia Ada Tolland eta Giuseppe Lignanok gizarte postindustrialaren soberakinak erabiltzen dituztela bizitzeko espazio baten elementu garrantzitsu bezala. Autoak berebiziko garrantzia dauka egitasmo honetan, izan ere, etxebizitza sortu den eraikina solairu anitzetako aparkalekua zen.


Espazioa bi altueratara bilakatzea kamioi baten gasolina-ontziarekin egin zen. Ontzia bitan banatu zen, erdia goiko aldean jarri zen, hormatik hormara, bertan lo egiteko bi kapsula kokatzen direlarik. Ontziaren erresistentzia bi hormen arteko distantzia gainditzeko eta ez zen inolako euskarririk behar izan. Ontziaren beste erdia bertikalean kokatu zen, komunen nukleo bezala hartuta, bata gainean eta bestea azpian kokatuz. Lo egiteko kapsuletan atexkak trebatu dira, ur-mekanismo baten bidez eragiten direnak, sarbide nahiz aireztatze eta argiztatze prozedura bezala erabili daitezkeenak.


Giro industrialarekin jarraiki, instalazio elektriko, urezko eta bestelakoak kanpora begira jarri ziren, ureztodi euskarriekin, auto eta kamioietako hozteko sistemetan erabiltzen diren antzekoak hain zuzen ere. Goiko alderdira igotzeko, lo egiteko kapsulak dauden ontziak dauden lekuak, edozein fabrikatan ikusi daitezkeen burdinezko igarobideak erabili dira. Eraikinaren hasierako izaera zakarra mantendu da, hormen akabera eta zoru irregularra pintura industrialaz margotu delarik.


Bitan banatutako gasolina-ontzi bat nahikoa da egitasmo honetan etxebizitzaren espazioak banatzeko, zoritxarrez gaur egun hain erabiliak diren barruko hormak ekidinez. Etxebizitzak dauzkan erabilera ezberdinak oso modu ezberdinetan zatitu eta elkarlotu daitezke, gainera, kasu honetan arkitekturan ezohizkoak diren elementuak erabili dira, horrek gehiago aberasten duelarik.

GetxoArte-rako inskripzioa zabalik

GETXOARTE 2005ek 50 proposamen hautatuko ditu maiatzaren 20tik 22ra Areetako Geltoki Plazan erakusteko. http://www.getxo.net/cas/cult/pags/getxoarte3.htm orrian aurkitu ditzakezu bertan parte hartzeko inprimakia eta oinarriak. Martxoaren 25erarte daukazu bertan izena emateko.

Urtetik urtera zabalkunde handiagoa izaten ari den erakusketak bere aurtengo zita izanen du maiatzaren 20tik 22ra. Erakusketaren xedea artista gazteen lana sustatzea, zabaltzea eta ezagutzea da, Arte Plastikoen adierazpide guztiak bultzatu nahi direlarik. Getxoarten parte hartzeko gehienezko adina 35 urte izango da, eta Euskal Herrian jaio edo bere ikasketak bertan burutzen dituzten artistei zuzenduta dago. Aurkezteko epea jadanik irekia dago eta martxoaren 23an amaitzen da; hona hemen aurkeztu beharreko dokumentazioa:

• Izena emateko inprimakia, behar bezala betea
  
• Curriculum artistikoa
  
• Lanak postuan egongo diren eraren deskribapen laburra.
  
• Obraren txosten grafikoa, kalitate oneko lau argazkirekin, koloretan, eta 13x18 zm-koa bakoitza.
  
• Artistaren argazkia katalogoan jartzeko
  
• NANaren fotokopia edo erroldatze ziurtagiria, edo 1. atala frogatzen duen bestelako agiriren bat.
  

Bertan, aurreko urteetako esperientzia ikusita salmenta harremanak egiteko aukera ezinhobea dago Getxoarten. Esan bezala, maiatzaren 20tik 22ra, Areeta auzoko Geltoki Plazan artista gazteen lanak ikusteko aukera ezinhobea.