Iritsi da Euskal Herriak behar zuen heroia, iritsi da Patxi Gallegoren eskutik "Xabinaitor", komiki pertsonai berria, haren eskutik berreskura ditzagun poxpolinak!. Haurrentzat ez den komiki-liburua, euskaraz eta euskaldunentzat sortua. Xabinaitor eta Pololoak, Poxpoli?en lurrina.Azken sei urtetan erekziorik eduki ez duen gazte bat, penetratzaile deportiboak eta bere ingurua gorrotatzen dituen poxpolina gaztea, super heroi euskaldun bat, ...hauek dira Patxi Gallegok bere lanean batu dituen osagai bereziak.
Xabinaitor heroiak poxpolinen hankartea usaintzeaz lortzen duen dohainetaz baliaturik (gizonezkoen artean ikusiezintasuna sortu duen izugarrizko erekzioa tartean), hainbat euskal neskatila atera ditu arriskutik. Bainan potere horiek lortu arte, buruko min eta frustrazioz beteriko bidea burutu behar izan du Sabino gazteak. PNV-ko familia batean jaio eta hezitua izan arren, neska "Jarraitxuen" estetika zuen gustoko, bainan aitak ez zion Alderdikoa ez zen neskatilekin joaten uzten, horretaz aparte EAJ eta EA-ren arteko banaketak sortu zuen arazoa gehitzen badiogu korapilo ederra sortu zitzaion Sabino gazteari barrenean. Euskal gatazkaren beste biktima bat!
Bestaldetik Kari?e neska dugu, poxpolina gaztea. Mutil aunitz ezagutu baditu ere, oraindik ez du topatu hark esaten duen moduan "bere lili gorriari zuku guztie atera deutsonik", gainera haren inguruarekin nazkatuta sentitzen da jadanik, nazkatua dago lagunekin futbola ikustera joan behar izateaz, nazkatua dago mutilarekin erlazio sexual aspergarriak izateaz, nazkatua dago ETB-ren progamazioa ikusi behar izateaz,...Guztiarekin apurtu eta aske bizi nahi du hemendik aurrera, bainan aurretik lagun baten ezkontzan azken poxpolin dantza egin behar izango du. Zer gertatuko da bi protagonistak batzean?
Holako istorioa proposatzen digu Patxi Gallegok, "Xabinaitor"-en abenturen lehen ale honetan. Bi protagonista hauen ibilbidean, hainbat pertsonai kurioso topatuko ditu irakurleak komiki nobela honetan. Super-Heroi abentura soilaz bainon askoz gehiago. Euskal arazoaren humorezko begirada ere bada. Gatazkaren alde guztiak jorratzen ditu, PNV-koak, Jaraitxuak Ertzaintza...guztiak bat egiten dute Xabinaitor euskal heroiaren inguruan.
Estilo zinematografikoan idatziriko nobela grafiko baten aurrean gaudela esan genezake, detaile guztiak izan ditu kontutan egileak lana burutzerako orduan, irudiak, narrazioak eta baita soinu-banda ikusgarria ere, adi akzio eszenen musikari!. Irakurleak aski ongi sartuko da istorioaren erritmoan Patxi Gallegok markaturiko bidetikan. Telebistatik aldenduz, humorezko ikuskizunaz gozatzeko aukera paregabea dago lan honekin. Irakurle gazteek erraz hautemango dituzte gure inguruko hainbat klixee eta topiko.
Aspaldi ahantzita genituen komikiak, bainan "Xabinaitor"-ekin grina berezi berria piztuko zaigu. Zer izanen da hurrengoa? Galdera horren erantzuna Xabinaitorren hurrengo abenturan!
No hay comentarios:
Publicar un comentario