Antton Lukuk idatzi eta Hiru Punttu taldeak antzeztutako Baionan Bizi lana bihar, larunbata hilak 9, izango da azkeneko aldiz taula gainean. Gamarteko Elizaldian izango da lagun giroan, iluntzeko 20:00ak aldean talo eta xingarrak jan ondoren. Antzezlana etxebizitzarena bezalako gai serio baten gainean eraikitako vaudeville bat da. Istorio irrigarria. Baiona aldean bizi diren hiru gazte, etxebizitzaren prezio garestiak medio, soto batera bizitzera joango dira. Sotoaren jabeak lokala bi pertsonari baizik ez diela alokatu uste du gainera, eta hirugarrenak ezkutuka ibili beharko du.
Baionan Biziren hogeigarren emanaldia izango da Gamartekoa. 2.000 ikusle izan ditu Hiru Punttuk urte honetako otsailaren 4an bere ibilbideari ekin zionetik.
Info +: www.eke.org
Info +: www.eke.org
Luku eta bere antzerki partikularra...
ResponderEliminar