1995eko abenduaren 15ean, Bilboko Zenbat Gara Kultur Elkarteak, Kafe Antzokia ireki egin zuen. XX.mende hasierako antzoki zahar bat berriztatu eta egun ezaguna den gune berezia eraiki zuten. 10urte eman dituzte euskal kulturaren ingurukoei zabalik, baita nazioarte mailako adierazpen kulturalei ere. Urte guzti hauetan, ezin ukatu Euskal Herri mailako erreferente kultural garrantzitsuenetarikoa bilakatu dela Bilboko Kafe Antzokia, bertan 2500ekitaldi bainon gehiago antolatu direlarik; kontzertuak, bertso saioak, antzerkiak, haurrendako ikuskizunak, dantza saioak...ez dira geldirik geratu urte hauetan.
Honetaz gain, Bilboko eguneroko bizitzan bere lekutxoa ere egin du kafe antzokiak. Egunero egunero, ez dira gutxi bertan bazkaldu edo ta lasai asko kafea hartzen dutenak. Ostegunetan, festa gune nagusi da Kafe Antzokia, unibertsitateetako ikasleentzat baita larunbatetako gau giroko erreferente ere.
10urte hauek ospatzeko, festa eta ekitaldi mordoa prestatu dituzte Kafe Antzokian, ekitaldi nagusia ostegunean izanen da arratsaldeko 19.30tan, 10.urteurren jaia ospatuko baita.
Informazio gehiago: www.kafeantzokia.com
Ez naiz joango Kafe Antzokira, opariekin jolastu behar dut eta, baina dena ezin obea atera dadila espero dut eta ondo pasa!.
ResponderEliminarAurrera!