Miss Le Bomb eta DJ Mauri izango dira etzi Bilboko Guggenheim museoan musika "pintxatzen", doinu elektronikoz zipriztinduz museoaren atrioa. Gaueko hamarretatik aurrera, eta MEM jaialdiaren laguntzarekin, Bilboko museo arrakastatsuaren ateak irekiko dira, eta edonork ikusi ahal izango du bertako erakusketa, bai modu iraunkorrean dagoena eta baita momentu honetan "izarra" den Anselm Kieferren maisulana ere.Esan bezala, abangoardiako arte eta musikak bat eginen dute asteburu honetan Guggenheim museoan, 10 euroko sarreraren truke (5 Museoko lagunentzat). Miss Le Bomb Eskoziatik dator eta electro-pop freskagarria lantzen du, betiere elektronikari lotua. Bestalde, DJ Mauri ekoizlea besteak beste Sonar, MEM edo Betofar jaialdietan izan da.
Gainera, museoak argiztapen eta giro berezia izango omen du gau berezi honetan.
Info +: www.guggenheim-bilbao.es/
No hay comentarios:
Publicar un comentario