Aurten ere Getxo, Donostia eta Gasteizko jazzaldiak izango dira. Denboraldia Bizkaian hasiko da uda musikala, uztailaren 1etik 5era. Gasteizera egingo du salto 10etik 16ra eta Donostian amaituko da 22tik 27ra.
Uztailaren hasieran Bizkaiko kostaldean izango dute zita Euskal Herriko jazz zaletuek. Aurten Norvegia, Alemania, Frantzia eta Eslovaquiako taldeak izango dira Bihotz Alai enparantzan burutuko diren kontzertuetan. Maria Joao portugaldarrarekin hasiko da jaialdia, jazz-ak duen ahots esanguratsuetako batekin. John Scofield-en gitarrarekin gozatu ahal izango dugu baita ere, azken egunerako Richard Galianoren emanaldia gorde delarik.
Gasteizko jazzaldiak uztailaren 10ean izango du hasiera ekitaldia, eta 12an hainbat mintegi izango dira, iazkoei jarraipena emanaz: New Yorkeko Juilliard School-ekin batera antolatu dira. Bertan ikasleak nahiz musikari profesionalek hartu dezakete parte. Aurretik, uztailaren 10ean gau elektronikoa antolatu da: Ortophonk, De Phazz eta Us3 izanen dira zuzenean. Uztailaren 12, asteartean hasiko da kontzertua berotzen: Charlie Parker Legacy izango da Mendizorrotzako kiroldegian, eta baita Chick Corea & Touchstone ere. Bestela, Cassandra Wilson, Madelein Peiroux eta Taj Mahal Trio nabarmentzen dira kartelean. Halere, guztien artean letra handienak edukiko dituena Coco Taylor & His Blues Machine izango da, Europako bere kontzertu bakarra Gasteizen emango baitu.
Jazz denboraldiari amaiera emateko Donostiako jazzaldia izango dugu uztailaren 22tik 27ra. Izen handien artean Amos Lee eta Joe Cocker daude, Marlango, Van Morrison eta Brazilian Girls. Halere, guztien gainetik beti izango da Maceo Parker, jazzaldiari hasiera emango dion kontzertua hain zuzen ere.
Info +: www.jazzeuskadi.com
No hay comentarios:
Publicar un comentario