Izugarria Getxoko Itzubaltzeta gaztetxean ikus-entzun genuena. Hiru talde: Selam, Inoren Ero Ni eta Kloratita. Egia esan azken hauen kontzertura berandu heldu ginen eta gauza gutxi daukagu esateko beraien inguruan. Talde gaztea, gainontzeko taldeekin musikalki zerikusi handirik ez zuena, baina gogo handiz aritu ziren. Bi abeslari, speech-erako joera handiarekin.
Gero Selam igo ziren eskenatokira. Experience taldeko bi kide zeudela jakiteak itxaropena sortarazi zigun, kontzertu polita ikusteko aukera izango genuela aurrikusi genuen. Gainera, Lisab?-ren azken diskan parte hartu dute ?Vielliard au Soleil? kantuarekin eta horrek oraindik ikusmira handiagoa sortu zigun. Eta ez zen gutxiagorako izan. Frantziarrek sekulako kontzertua eskaini zuten, eta ez ziren aipatutako kantua eta ?Toulouse vs. Tolosa? falta izan, gaueko momentu ikaragarriena. Aretoa atmosfera ilun batek inguratu zuen gu konturatu gabe, laukoteak sortutako itolarri sentsazioa areagotzen zioan heinean. Eta horrelako kasuetan gertatu ohi den bezala, gehien gozatzen ari ginen momentuan kontzertua amaitu zen, eta ahoa itxi genuen. Gure ingurura begiratu eta oso jende gutxi zegoen ?beste bat? eskatzeko, eta inork ez zuenez eskatzen, ez ziren gehiago irten.
Inoren Ero Ni-rena beste kontu bat izan zen. Bertakoak laukotea ikustera etorri ziren, eta nabaritzen zen: kitarra-frogak hasi orduko gaztetxea betetzen hasi zen. Enekok makuluekin hasi zuen kontzertua, dirudienez hanka batetan mina hartu duelako. Baina segituan ahaztu zituen (?a tomar por kulo las muletas!?), eta ohiko show-arekin hasi zen. Beteranotasuna gradu bat omen da: argi gelditu zen Erromoko Itzubaltzeta gaztetxean. Norbaitek BAP!-en ?Bota Pi?ue? eskatu zuen (?Bota Pi?ue gero kantatuko diat, komunean, biok bakarrik. Oraindik putamadre ateratzen zaidak!?) garai zaharrak gogoratu nahian.
Guztiz kaotikoa izan zen amaiera. Hainbat mehatxu zirela medio, beste hiru kantu jotzera irten ziren. Jendeak dena eman zuen azken momentu hauetan: edalontziak hegaz ikusi genituen, Drake bafleen gainean jotzen, Eneko gona igo eta barruko arropa erakusten... musika amaitu zenean mikrofonoa erabilera publikokoa bihurtu zen, eta edonork zuen edozer erreibindikatzeko aukera. Joateko prest geundenean norbaitek ?Borja, aki hay unos gabatxos que dicen que subas a tocarte algo ya!? bota zuen, eta kontzertua oraindik amaitu gabe zegoela pentsatu genuen, baina dirudienez Borjak ez zuen bateria jotzeko gogo handirik...
Info +: www.selam-selam.com
http://www.musikametak.com/grupos_1.php?uuid=86&grupo=Inoren%20Ero%20Ni
...Norbaitek BAP!-en “Bota Pi?ue” eskatu zuen (“Bota Pi?ue gero kantatuko diat, komunean, biok bakarrik. Oraindik putamadre ateratzen zaidak!”) garai zaharrak gogoratu nahian...
ResponderEliminarbezte gauza bat ulertu nion... XDD