Larunbatean izango da Bilboko Kafe Antzokian ?Zaharregia, Txikiegia Agian? proiektuaren azken emanaldia, 22:00etatik aurrera. Kirmen Uribe, Rafa Rueda, Bingen Mendizabal, Mikel Urdangarin eta Mikel Valverderen proiektuak agur esango digu hortaz bi urte luze hauek eskenatokiz-eskenatoki aritu ondoren. Ibon Saez de Olazagoitiaren laguntza izango dute azken emanaldi berezi honetarako, Bideo-DJ lanak hartuko dituelarik.
New York-en jaiotako proiektuak oihartzun handia izan du iparramerikan, iazko hamar audio-poesia diskarik onenen artean sailkatuz, BobHolman eta Margery Snyder idazle eta kritikari amerikarren aburuz. Gainera, Irlanda, Alemania, eta AEB-tan aritu dira taulagainean.
Azken emanaldia eta gero, taldekide bakoitzak bere bideari ekingo dio. Mikel Urdangarinek disko berria prestatzendirau eta Kirmen Uribe bere lehen eleberriaren idazketa-prozesuan murgilduta dabil. Bingen Mendizabalek, Rafa Ruedak eta Mikel Valverdek ere hainbat egitasmo dituzte aurrerantzean.
Boskotearen lana ez da hor amaitzen ordea, Arkaitz Basterra zinemagilea egitasmoaren inguruko dokumentala prestatzen ari baita.
Info +: http://www.hotsak.com/A/Zaharregia_txikiegia_agian
No hay comentarios:
Publicar un comentario